Ölkə səhiyyəsində RÜSVAYÇILIQ: Doktor Gülü nəhayət, həbs olunacaqmı?

Bakıda özünü həkim kimi təqdim edən və "Dr.Gülü" ləqəbli ilə tanınan Gülbədə Abdullayevanın son görüntüləri ictimai rezonans doğurub. Anaxeberinfo.az bildirir ki, videoları ilə həmişə qalmaqal yaradan Gülbədə Abdullayevanın budəfəki davranışı ictimai qəzəbə səbəb olub. görüntülər Bakıda fəaliyyət göstərən "Billur Estetik” Mərkəzində çəkilib. "Dr.Gülü" kimliyi açıqlanmayan qadını bədən şəkilləndirmə əməliyyatı edir. Görüntülərdən məlum olur ki, pasiyent narkoz altındadır. Belə bir vəziyyətdə Gülbədə Abdullayeva qadının bədəni ilə nalayiq və təhqiramiz hərəkətlər edir. Başqa bir şəxs isə bu prosesi videoya çəkir. Görüntülər çox açıq-saçıq və təhqiramiz olduğuna görə onu təqdim edə bilmirik.
Baş Prokurorluq və Səhiyyə Nazirliyinin Analitik Ekspertiza Mərkəzi məsələ ilə bağlı açıqlama yayıb. 
Mərkəzin məlumatına görə, aparılan araşdırmalar nəticəsində müəyyən edilib ki, Gülbədə Abdullayevanın ali və ya orta tibb təhsili yoxdur və uyğun olaraq da “Vahid Səhiyyə İnformasiya Sistemi”ndə tibb işçisi kimi qeydiyyatda deyil. 

Redaksiyamıza verilən xəbərə görə, indi də Gülbədə iddia edir ki, guya Ukraynanın Xarkov şəhərində təhsil alıb. Lakin diplomunu təqdim etmir. İddialara görə, həmin diplom Azərbaycanda tanınmır. 
Bundan əlavə, Gülbədə əvvəllər Xırdalanda saç ustası olub. Sonra Nəsimi rayonunda "Uğur 777"adlı kosmetoloji klinikada işləyib. Sonra "qılınc-qılınc" videosu yayılandan sonra həmin klinikanın rəhbəri Xəyalə İsmayılovaya cinayət işi açılıb. Bunun ardınca, Gülbədə Abdullayeva "Dost" estetik mərkəzi açıb. Amma qeyri-etik videolar yayılandan sonra həmin mərkəz də bağlanıb. Nəhayət, "Billur" estetik klinikasını açıb. Gülbədə Abdullayeva  iddia edir ki, guya kadrlar bu mərkəzə aid deyil. Lakin araşdırmalar sübut edib ki, son video Gülbədə Abdullayeva tərəfindən açılan "Billür" estetik mərkəzinə aiddir. 

Jurnalist Arifə Əliyeva isə sosial media hesabında deyib ki, Bakıda fəaliyyət göstərən klinikalardan birində antisanitar mühitdə liposaksiya (piysovurma) əməliyyatının icra olunmasını əks etdirən görüntülər yayılıb.
Sosial şəbəkələrdə yayılan kadrlarda pasiyent qadının üzərində heç bir anesteziya (ağrıkəsici) tətbiq edilmədən prosedurun aparıldığı aydın görülür.
Bununla yanaşı, tibbi və sanitar-gigiyena qaydalarının kobud şəkildə pozulduğu otaqda əməliyyat getdiyi an kənar bir şəxsin də içəri daxil olduğu kameraya düşüb.
Bütün bunlar səhiyyənin, özəl tibb mərkəzlərində vəziyyətin, özünü sosial şəbəkədə reklam və həkim kimi təqdim edənlərin səviyyəsin ortaya qoyan mənzərədir. Sadəcə, cinayətdir və xalq TƏBİB və Səhiyyə Nazirliyinə inanmamaqda haqlıdır.

 Anaxeber.info.az