Məhkum Prezidentə ƏFV üçün müraciət etdi"- Bu, bizim ailə üçün bayram müjdəsi olar" -

Prezident İlham Əliyevə
                                      Əfv Məsələləri Komissiyasının sədri 
                                      Samir Nuriyevə 
                                      İnsan Hüquqları Komitəsinin sədri 
                                      Zahid Oruca 
                                     İsmayılov Anar Süleyman oğlundan


                             MÜRACİƏT 


Əvvəlcə qeyd etmək istəyirəm ki, mən İsmayılov Anar Süleyman oğlu Füzuli rayonunda anadan olmuşam, ailəliyəm, iki övladım var. Bakı Ağır Cinayətlər Məhkəməsinin 2020-ci ildə çıxardığı hökmlə 7 il azadlıqdan məhrum edilmişəm. 
Cəzanın ümumi rejimli cəzaçəkmə müəsissəsində çəkilməsinə qərar verilib. Bildirmək istəyirəm ki, Cinayət Məcəlləsinin 178.3.2 və 32.4, 312.2-ci maddələri ilə təqsirli bilinmişəm. 
Bildirmək istəyirəm ki, mənə Cinayət Məcəlləsinin 306.1, 66.5-ci maddələri ilə 7, 6 ay müddətinə cəza hökmü çıxarılıb. 
Möhtərəm Prezident! Mən bu müddət ərzində 9 saylı cəzaçəkmə müəssisəsinin daxili nizam-intizam qaydalarına riayət etmişəm, 2 dəfə mənə “təşəkkür” elan edilib, daxili intizam qaydalarını pozmamışam. 
Bundan əlavə, məhkum yoldaşları ilə mehriban münasibət saxlamışam, hər hansı xoşagəlməz hal yaşanmayıb. Eyni zamanda, gigiyena qaydalarına düzgün əməl etmişəm. Bu barədə cəzaçəkmə müəssisəsinin rəisi ədliyyə polkovniki Rəşad Əhədovun mülahizəsində də qeyd olunub.
Mən bu amilləri nəzərə alaraq, vaxtından tez şərti azadlığa buraxılmağı xahiş etmişəm. Lakin qərar dəyişməyib. 
Cənab Prezident, hörmətli Əfv Məsələləri üzrə Komissiyasının sədri və üzvləri, dəyərli millət vəkili Zahid Oruc, bu müraciəti ünvanlamaqda yeganə xahişim odur ki, mənə verilən 7 il, 6 ay cəzanın böyük bir hissəsini çəkdiyimi, həbsxananın daxili intizam qaydalarına riayət etməyimi nəzərə alaraq əfv siyahısına salınmağımıza kömək edəsiniz. 
Onu da deməliyəm ki, səhhətimdə problemlər var və bu müddət ərzində bir dəfə əməliyyat olunmuşam. Səhhətimdə yaranmış problemlərin də nəzərə alınacağına böyük ümidim var. 

Cənab Prezident, demək olar ki, hər il  tərəfinizdən əfv sərəncamları imzalanır. Ötən il isə böyük amnistiya verildi və bundan minlərlə məhkum faydalandı. Bu il isə əfv sərəncamı verilməsinə böyük ümidlər bəslənir.
Cənab Prezident hər ilin sonu, bayram ərəfəsində yüzlərlə məhkumu və ailələrini sevindirir. Dövlətimizin rəhbərliyindən xahişim budur ki, bu il sonu gözlənilən əfv siyahısına adım salınsın, məni, ailəmi, övladlarımızı sevindirəsiniz. 
Bu, bizim ailəmiz üçün əsl bayram müjdəsi olar. Mən prezidentimizə, dövlətimizə, onun humanizminə sığınaraq əfv olunmağımı xahiş edirəm. İnanıram ki, bu müraciətimdə qeyd etdiyim nüanslar – həm cəzamın böyük hissəsini çəkməyim, həm həbsxana şəraitində qaydalara riayət etməyim, həmçinin də ailə vəziyyətim nəzərə alınaraq gözlənilən əfv siyahısında adımı görə biləcəyəm. Bu da dövlət rəhbərliyinin səlahiyyətində olan məsələdir. Mən onun əfvinə sığınır, cənab prezidentimizin ailəmizi sevindirəcək qərar verməsini xahiş edirəm. Ümid edirəm ki, bu müraciətim komissiya sədri və üzvləri tərəfindən dəyərləndiriləcək, müzakirə olunacaq.

077 271 55 66