Mirşahin oğlunun toyuna niyə getməyib – Ölkə bundan danışır

Sentyabrın 17-də Real TV rəhbəri Mirşahin Ağayevin oğlu Mirçingiz Ağayevin toy mərasimi olub. Anaxeber.info.az sosial mediaya istinadla məlumat verir ki, Mirşahin toy mərasimində iştirak etməyib. 
Bu barədə jurnalist Ülviyyə Alovlu və digər sosial şəbəkə istifadəçiləri məlumat yayıb. Bildirilir ki, toyda həmçinin, Real TV-nin əməkdaşları da iştirak etməyib. 
Məlumata görə, Mirşahin Ağayev kollektivinə toya getməməyi tapşırıb. Ancaq atanın oğlunun toyunda niyə iştirak etməməsinin səbəbi ailə tərəfindən hələ də açıqlanmayıb.
Yayılan xəbərlərə görə, Mirşahin oğlunun evləndiyi xanımın ailəsini qəbul etməyib və onların nikahının əleyhinə olub. Ona görə də öncədən xəbərdarlıq edib ki, toyda iştirak edənlər onun düşmənidir. Hətta bildirib ki, bu evlilik uzun çəkməyəcək və oğlu yenidən başqası ilə ailə quracaq, bu səbəbdən əlavə xərcə düşməyə zərurət yoxdur. 
Sosial mediada tirajlanan xəbərlərə əsasən, elə bu səbəbdən də toy mərasimində az qonaq iştirak edib və şadlıq sarayında seyrəklik müşahidə olunub. Amma paylaşılan fotolardan görünür ki, digər media orqanlarında fəaliyyət göstərən tanınmış jurnalistlərin bir qismi Mirçingizin toyunda iştirak ediblər. 
İddialara görə, toyda az qonaq iştirak etdiyi üçün hətta məclis sahibləri şadlıq sarayına borclu qalıb. 
Qeyd edək ki, toy mərasimi “Yeganə” şadlıq sarayında baş tutub. Bundan əlavə, Mirşahin məclisin sözügedən restoranda keçirilməsinə də qarşı çıxıb. Çünki bu şadlıq sarayı onun sevmədiyi tanınmış bir adamın yaxınına məxsusdur. 
Xatırladaq ki, Mirşahin və oğlu arasında münasibətlərin yaxşı olduğu bildirilirdi. Hətta sosial mediada bir-birinə dəstək verən paylaşımlar ediblər, şərhlər yazıblar. Lakin oğlunun seçimini qəbul etməyən ata şad günündə orada olmayıb. 
Bu məlumatlarla bağlı bütün tərəflərin mövqeyini işıqlandırmağa hazırıq.